但從另一角度看，只要一日有人啪野有男人叫雞，一日有阿強哥同阿楊生係度，香港電影，係唔會死既。但製作基地北移，這倒是很有可能。況且，現在港產片都在大陸開。
上星期到「大無謂」試映會，我話收到風，幾間大片商都話唔再開戲喎，問阿Sir你點睇？佢話岩岩拍完賀歲檔姐，大家都想抖下咁既。
長遠來說，香港電影一定搬家到中國內地，例如上海；但阿Ｑ一點想，這不是很好麼？！香港的土壤唔再適合拍戲，咪搵第二度借屍還魂囉；香港電影精神一定長存喎；就好像以前美國芝加哥都有戲拍，後來搬晒去荷里活咁樣，仲好啦！集中一點，就更能夠加大力度發展啦。我都有諗過，十多廿年後隨迪士尼大隊到上海開荒，到時我會Sell劇本俾馮小剛添，哈哈哈！！！！香港大陸一家親，再無港產國產之分，都一律叫華語電影啦，多動聽！
其實香港電影死左，即係無人啪野同叫雞啦；也代表著香港學生的寫作及語文能力唔會再紊亂啦（因為學好普通話，書面語與口語佢地就終於分得開）；語文能力提高左，咁思考能力又好左；下一代有救，香港仲唔充滿希望？至於生果報既頭條，「朝妖切」，下個星期既今日，即係下個星期五，都無人記得架啦！你記唔記得上個禮拜既今日，即係星期五，你晏晝食乜Ｑ丫？咪係囉。
註：本文極為口語化，但並非我語文能力低；只是想藉機悼念一下港產片姐。
「音容宛在！」
bubbles / hope